Video/ Katastrofa natyrore në Kanada, në kërkim të banorëve të zhdukur nga përmbytjet dhe rrëshqitjet e dheut

Nga OraNews Përditësimi i fundit 17 Nëntor 2021, 13:06

Një stuhi vdekjeprurëse e përshkruar nga zyrtarët si një ngjarje moti që ndodh një herë në shekull, ka ndërprerë lidhjet rrugore dhe hekurudhore rreth Vankuverit, në Kanada.

Një grua humbi jetën nga  një rrëshqitje dheu në autostradë, ndërsa ekipet e shpëtimit janë në kërkim të të zhdukurve. 

Ekipet e shpëtimit me ndihmën e qenve të trajnuar, po kërkojnë njerëz, e automjetet e të cilëve mund të jenë varrosur nga rrëshqitjet e dheut në provincën kanadeze të British Columbia , në një kohë kur dy kompanitë më të mëdha hekurudhore të vendit raportuan dëme serioze në rrjetet e tyre.

Stuhia, e cilat filluan të dielën, shkatërroi  rrugët në krahinë, bllokoi  një tubacion nafte dhe bllokoi 2 autostrada të rëndësishme në zonë.

Autoritetet në Merritt, 200 milje në verilindje të Vankuverit, urdhëruan dje 8,000 banorë të largohen  nga shtëpitë e tyre,  pasi nivelet e lumenjve u rritën me shpejtësi, por disa u bllokuan në shtëpi, tha një zyrtar.