Tragjedi në Itali/ Babai polak "arratiset" nga spitali, vret me thikë të birin dhe plagos gruan shqipatre
Nga OraNews Përditësimi i fundit 17 Nëntor 2021, 07:33
Një ngjarje e rëndë ka tronditur shtetin fqinj, dje (16 nëntor).
Burri polak ka vrarë për vdekje të birin dhe ka plagosur me thikë gruan me origjinë shqiptare , gjendja shëndetësore e të cilës është e rëndë. Shqiptarja po trajtohet në spital, shkruajnë mediet italiane.
44-vjeçari me origjinë polake, ishte shtruar në një spital të Romës, pasi ishte i infektuar me Covid-19.
Ngjarja tronditëse ka ndodhur në Cura di Vetralla, në provincën e Viterbos në Itali, ndërsa mediat italiane kanë publikuar edhe foto e familjes që pati fatin tragjik.
Mësohet se autori u kthye në shtëpi pa lejen e mjekëve dhe sulmoi të birin e tij 10-vjeçar, duke e goditur me thikë për vdekje.
Ndërsa bashkëshortja u gjet me plagë të shumta me thikë pranë fëmijës në shtrat.
Sipas informacioneve të deritanishme , krimi mund të jetë një akt , nëpërmjet të cilit autori ka tentuar të hakmerret ndaj bashkëshortes dhe nënës së fëmijës së tij.
Vrasësi i fëmijës ishte njoftuar nga një vendim gjykate, që i ndalonte të afrohej me ish-bashkëshorten dhe fëmijën e tyre.
Mësohet se autoritete italiane po kërkojnë nëse autori ishte nën efektin e lëndëve narkotike.
Un bambino di 10 anni è stato ucciso con una coltellata alla gola, mentre era in casa a Vetralla, vicino Viterbo. #ANSAhttps://t.co/m4g8C0iNfH
— Agenzia ANSA (@Agenzia_Ansa) November 16, 2021
