Goditet familja mafioze e Ndranghetas, sekuestrohet 1 ton kokainë, 100 të arrestuar
Nga OraNews Përditësimi i fundit 16 Nëntor 2021, 08:58
Policia italiane ka ndërmarrë mëngjesin e sotëm një megaoperacion bliz në rajone të ndryshme italiane që ka çuar në arrestimin e 100 anëtarëve të klanit Mole, një nga familjet historike të 'Ndranghetas'.
Gjatë hetimeve në klanin e Piana di Gioia Tauro, u sekuestrua edhe një ton kokainë nga Amerika e Jugut.
Anëtarët e supozuar të klanit Mole ishin gjithashtu aktivë në Lombardi dhe Toskanë, me ndikim edhe jashtë Italisë.
Nga zhvatja në trafik droge - Akuzat që rëndojnë ndaj tyre janë shoqatë mafioze, konkurrenca e jashtme në shoqata mafioze, zhvatja, mbajtja pa leje e armëve, vetëpastrimi, bashkimi kriminal me qëllim trafikun e drogës, prodhimin, trafikimin dhe transferimin e substancave narkotike, fajde, falimentim mashtrues, mashtrim tatimor dhe korrupsion.
Detajet e operacionit do të bëhen me dije nga policia në një konferencë për shtyp në orën 10.45.
