Pesë vite burg për modelen, akuzohet për prostitucion për shkak të profesionit
Nga OraNews Përditësimi i fundit 8 Nëntor 2021, 14:38
Një gjykatë në Jemen ka dënuar modelen me pesë vjet burg për shkelje të rendit moral dhe "prostitucion" gjatë një gjyqi të kallëzuar nga organizatat ndërkombëtare joqeveritare, njoftoi agjencia e lajmeve rebele shiite Saba.
Modelja u arrestua më 20 shkurt, në moshën 19-vjeçare, teksa po fotografohej në Sanaa, kryeqyteti i Jemenit, i cili kontrollohet nga Houthi-t shiitë, të cilët kanë vendosur rregulla të rrepta sociale, që kufizojnë kryesisht gratë.
“Isha i indinjuar kur mësova se Houthi-t dënuan Indisarin me pesë vjet burg dhe gra të tjera me një, tre, pesë vjet! Dënimi është i padrejtë dhe i motivuar politikisht," tha në twitter studiuesi i Jemenit të Human Rights Watch (HRW) Afrah Nasser.
Gjyqi i Hamadit dhe disa kolegëve të tjerë filloi më 6 qershor, me HRË duke iu referuar një gjyqi "të padrejtë" dhe një rasti "të karakterizuar nga parregullsi dhe shkelje".
Sipas avokatëve, arsyeja e vërtetë e arrestimit të Hamadit, e cila ka mijëra ndjekës në Instagram dhe Facebook, është profesioni i saj.
Me një nënë etiopiane dhe një baba jemenas, Indisar al-Hamadi ka postuar dhjetëra foto të saj në rrjetet sociale e veshur me uniforma tradicionale ose xhinse dhe jelek lëkure, me ose pa shami islame.
Dhuna ndaj grave në Jemen, veçanërisht në zonat e kontrolluara nga Houthi, është intensifikuar që nga fillimi i luftës civile të vendit në vitin 2014./Ora News/
