Njeriu që "fshihet" pas vaksinës Pfizer shpjegon pse nevojitet doza e tretë
Nga OraNews Përditësimi i fundit 7 Nëntor 2021, 20:42
"Rreth shtatë muaj pas dozës së dytë të vaksinës Covid, ne mund të infektohemi koronavirus," tha Ugur Sahin, kreu i kompanisë gjermane të bioteknologjisë BioNTech, për gazetën gjermane Bild.
Ai shpjegon se doza përforcuese e vaksinës vjen për të mbushur boshllëkun dhe madje është efektive kundër mutacionit “Delta”.
Deklarata e kreut të kompanisë gjermane të bioteknologjisë BioNTech, Ugur Sahin, në gazetën e së dielës “Bild” vijnë në kohën kur gjiganti farmaceutik amerikan Pfizer, me të cilin po bashkëpunon për përgatitjen e një vaksine kundër Covid-19, njoftoi se ka gati ilaçin kundër virusit.
“Nga muaji i shtatë, i tetë apo i nëntë pas dy dozave të para të vaksinës Covid, nivelet e antitrupave fillojnë të bien, duke e lënë trupin të prekshëm ndaj sëmundjes”, tha Ugur Sahin, me origjinë turke.
Doza përforcuese rikthen mbrojtjen e vaksinës.
Duke komentuar gjetjet e provave klinike, drejtori i BioNTech tha se kur dikush është i infektuar me Covid dhe është plotësisht i vaksinuar nuk do të sëmuret rëndë.
"Përveç kësaj," tha Sahin, "ne kemi të dhëna studimore që tregojnë se një dozë përforcuese rikthen mbrojtjen e vaksinës (gjashtë muaj pas dozës së dytë). Kjo vlen edhe për mutacionin e virusit Delta.
Për këtë arsye, thotë ai, të moshuarit duhet të marrin urgjentisht dozën përforcuese, gjashtë muaj pas dozës së dytë të vaksinës kundër koronavirusit./Ora News/
