Arkivoli bosh pranë koshave të plehrave shokon banorët
Nga OraNews Përditësimi i fundit 8 Nëntor 2021, 11:55
Një arkivol bosh është gjetur pranë koshave të plehrave ku depozitohen mbetjet prej qelqi e plastike. Banorët e Rione Isola në Vercelli të Italisë janë shokuar kur të dielën në mëngjes kanë parë arkivolin bosh.
Fotoja është postuar në facebook nga ish kryetari i bashkisë dhe ka bërë xhiron e rrjetit duke ngjallur indinjatë dhe shqetësim.
Pas dy orësh arkivoli është tërhequr dhe kanë nisur hetimet për të zbuluar se kush e la aty arkivolin.
