Asnjë viktimë dhe vetëm 14 raste të reja me virus në Kosovë
Nga OraNews Përditësimi i fundit 4 Nëntor 2021, 15:27
Kosova ka regjistruar 14 raste të reja me koronavirus gjatë 24 orëve të fundit, sipas ministrisë së Shëndetësisë.
Gjithsej u kryen 1707 testime.
Në 24-orëshin e kaluar nuk u regjistrua asnjë viktimë nga koronavirusi, ndërsa u shëruan 16 pacientë.
Aktualisht, janë 443 raste aktive me koronavirus në Kosovë.
Me shifrat e javëve të fundit, Kosova është vendi me normën më të ulët të infeksionit në rajonin e Ballkanit Perëndimor.
Për krahasim, pozitiviteti i rasteve në Kosovë aktualisht është nën 1 për qind, ndërsa në Mal të Zi është mbi 23 për qind.
Deri të enjten, 4 nëntor në Kosovë janë bërë mbi 1.5 milion vaksina kundër koronavirusit.
Mbi 735,000 qytetarë janë vaksinuar plotësisht.
Këtë javë, ministria e Shëndetësisë e Kosovës ka miratuar vaksinimin edhe të fëmijëve të moshës 12 deri në 15 vjeç.
