Me dy urdhra dëbimi, shqiptari kapet me kokainë në Itali, në hetim edhe partnerja shtatzënë
Nga OraNews Përditësimi i fundit 22 Tetor 2021, 21:32
Mbrëmjen e së mërkurës, 20 tetor, efektivët e Seksionit të Antidrogës arrestuan një 31-vjeçar me kombësi shqiptare për posedim kokaine, me precedentë për krime edhe kundër pronës.
Gjatë kontrollit në shtëpinë e të riut u gjetën 15 doza kokainë me peshë rreth 8 gramë, material ambalazhimi dhe 2400 euro.
E pranishme ishte edhe partnerja 23-vjeçare gjithashtu me kombësi shqiptare, e cila është shtatzënë.
Ajo do të hetohet për veprën penale "moskallëzim krimi."
Nga hetimet rezultoi se 31-vjeçari shqiptar ishte futur në mënyrë të paligjshme në territorin italian. Ai ishte dëbuar dy herë nga autoritetet dhe ishte rikthyer sërish në mënyrë ilegale.
Kundër tij rëndon dhe akuza e hyrjes në mënyrë ilegale në territorin italian.
