Vaksina kusht për hyrjen në auditore, Universiteti i Durrësit: Do ketë tolerim gjatë javës së parë për studentët e pa vaksinuar
Nga OraNews Përditësimi i fundit 18 Tetor 2021, 11:14
Ka nisur viti i ri akademik 2021 - 2022 edhe në universitetin e Durrësit "Aleksandër Moisiu".
Studentët dhe pedagogët duhet të paraqesin certifikatën e vaksinimit, një vërtetim që kanë kryer të paktën një dozë ose testin PCR për të hyrë në auditore.
Në hyrje të godinës studentëve u kërkohet certifikata e vaksinimit.
Megjithatë, mësohet se në javën e parë të mësimit do të ketë tolerim për studentët e pavaksinuar, duke qenë se kjo javë është më shumë javë orientuese.
Zv/rektorja e universitetit Eva Allushi shprehet se shumica e studenteve janë vaksinuar dhe shpreson që në ditet në vazhdim të bëjnë të njëjtët gjë edhe studentët e pa vaksinuar.
Vetë studentët shprehen se nuk dëshirojnë ta bëjnë vaksinën, ndërsa ka edhe të tjerë që e kanë bërë atë.
Viti i ri akademik në UAMD nis me 2000 studentë qe fillojnë sot vitin e parë.
I gjithë universiteti ka rreth 20. 000 studentë. Rreth 50 % e tyre janë të vaksinuar sipas statistikave paraprake të UAMD.
