Kërcënim nga Serbia për tensionet në Veri, Vuçiç-Lajçakut: Ndaloni shqiptarët, ose ndryshe merremi ne
Nga OraNews Përditësimi i fundit 13 Tetor 2021, 18:35
Presidenti i Serbisë, Aleksandër Vuçiç, ka zhvilluar një telefonatë me të dërguarin e BE-së për dialogun mes Kosovës dhe Serbisë, Miroslav Lajçak, ku dhe është diskutuar dhe situata në Veri të Kosovës.
Mediat serbe bëjnë me dije se Vuçiç i ka thënë Lajçak që duhet të ndalojnë palën shqiptare, ose do ta bënte Serbia.
“Ndaloni ata. Nëse nuk jeni në gjendje ta bëni, ne do t’i ndalim”, deklaroi Vuçiç se i ka thënë Lajçakut. Për të gjitha këto sot, shqiptarët kishin mbështetjen e një force të jashtme.Është një shtet që nuk është anëtar i BE -së - tha Vuçiç.
Vuçiç tha se NATo duhettë vihet në lëvizje që të mbrojë serbët në Kosovë, ose përndryshe në veprim do vihet ushtria serbe.
“Nëse NATO nuk i mbron serbët në Kosovë brenda 24 orëve, ushtria serbe do ta bëjë." -mësohet se i ka thënë Vuçiç, i cili ka vendosur dhe ushtrinë në gjendje gatishmërie.
