Shikoni si grabisin makinën me një telekomandë, pajisja inteligjente kushton mbi 22 mijë euro
Nga OraNews Përditësimi i fundit 10 Tetor 2021, 18:02
Zgjuarsia e hajdutëve të makinave nuk njeh të ndalur, gjë që konfirmohet nga "mjeti" i ri që ra në duart e autoriteteve britanike.
Tre grabitës makinash janë arrestuar në Britani për vjedhjen e pesë 'Mitsubishi Outlanders', duke përdorur një pajisje inteligjente, që duket si telekomanda e lojërave 'Nintendo Game Boy'.
Policia publikoi një video ku duken tre burrat që kanë "zhbllokuar" makinën Outlander dhe si me magji e kanë zhdukur atë nga vendi.
Por çfarë është kjo pajisje që ka habitur autoritete britanike?
Telekomanda i lejon hajdutët të "zhbllokojnë" pra të hapin makinat dhe më pas të ndezin motorin e tyre. Kjo pajisje është krijuar posaçërisht për të thyer sistemin e sigurisë të makinave 'Mitsubishi Outlander'.
Mësohet se pajisja ka një kosto që tejkalon 22,000 euro.
Hajdutët u dënuan me disa muaj burg, ndërsa policia britanike po heton origjinën e pajisjes.
Sidoqoftë, me makinat që bëhen gjithnjë e më komplekse në sistemet elektronike, bëhet më e lehtë për hajdutët të kapin makina.
