Spanjë, plan mujor prej 250 € bonus për ata nën 35 vjeç për të lënë shtëpinë e prindërve
Nga OraNews Përditësimi i fundit 6 Tetor 2021, 15:59
Kryeministri spanjoll Pedro Sanchez ka propozuar që personat të moshës 18-35 vjeç duhet t'u ofrohet një bonus mujor për t'i ndihmuar ata të lënë shtëpinë e prindërve të tyre dhe të paguajnë qiranë.
Përfitimi prej 250 € do të jepet deri në dy vjet dhe është pjesë e një pakete më të gjerë strehimi.
Një projektligj për qiranë gjithashtu do të përfshijë kufijtë e qirasë për pronarët e mëdhenj të pronave, veçanërisht në zonat ku qiraja është rritur vitet e fundit.
Por pa harruar te përmendim se Spanja ka ndër normat më të larta të Evropës të pronësisë së pronës.
Por kjo do të thotë gjithashtu se më pak se një në katër shtëpi janë në dispozicion me qira. Dhe në disa zona, të tilla si qytetet e mëdha të Madridit dhe Barcelonës, qiratë kanë qenë në rritje ndërsa të ardhurat kanë rënë me mbi 7% në vetëm një vit për shkak të pandemisë Covid-19.
Strehimi është një problem serioz në vend, shprehet Sanchez.
Sipas planeve të kryeministrit, shpërblimi për të rinjtë do të kalojë nga autoritetet rajonale autonome të Spanjës tek personat nën 35 vjeç, të cilët fitojnë më pak se 23,725 € në vit.
Ata do të vendosnin nëse do të shpërndahej për person ose për shtëpi me qira.
Synimi dhe qëllimi i këtij plani është që të mundësohet që më shumë të rinj të lëvizin nga shtëpitë e prindërve të tyre.
Sipas shifrave të Eurostat, spanjollët largohen nga shtëpia e tyre në moshën 30 vjeç, gati katër vjet më vonë se mesatarja e BE -së.
Dhe që nga kulmi i lulëzimit të fundit ekonomik të Spanjës në 2007, përqindja e 16-29-vjeçarëve që kanë lënë shtëpinë ka rënë në mënyrë të qëndrueshme, nga 26% në 16% vitin e kaluar.
