Fotografi shokuese të krizës së urisë, brazilianët kërkojnë ushqim në mbetjet e kockave të kafshëve
Nga OraNews Përditësimi i fundit 4 Tetor 2021, 16:27
Fotografitë tronditëse të brazilianëve të varfër që kërkojnë copëza mishi për ushqim te eshtrat e kafshëve, kanë nxjerrë në pah krizën e urisë, duke shkatërruar kombin më të populluar të Amerikës Latine, ku miliona njerëz janë zhytur në mjerim nga pandemia e coronavirusit.
Imazhet, të marra në Rio javën e kaluar nga fotoreporteri Domingos Peixoto, tregojnë njerëzit duke kërkuar për copëza ushqimi në pjesën e pasme të një kamioni që kishte tarnsportuar të brendshmet dhe eshtrat e hedhura nga një fabrikë që prodhon ushqim për kafshët.
"Disa ditë ... Unë dua të qaj," i tha shoferi i kamionit, José Divino Santos, gazetarit Rafael Nascimento de Souza, i cili po mbulonte historinë me Peixoto për gazetën Rio Extra.
"Më parë njerëzit vinin dhe kërkonin kocka për qentë e tyre. Ndërsa tani ata vijnë dhe luten për eshtra për të bërë ushqim për vete," shtoi Santos, i cili ua shpërndan mbetjet nevojtarëve të Rio -s.
Një pastruese 51-vjeçare, Denise da Silva, tha se ajo kishte nevojë për të ushqyer pesë fëmijët e saj dhe 12 nipërit e mbesat.
Imazhet të cilat u shfaqën në rrjete sociale kanë nxitur reagime dhe protesta të menjëhershme.
Rreth 19 milionë brazilianë kanë mbetur të uritur që nga fillimi shpërthimit të Covid që ka vrarë 600,000 njerëz./OraNews/
"Antes as pessoas passavam aqui e pediam um pedaço de osso para dar pros cachorros. Hoje elas imploraram por um pouco de ossada pra fazer comida. O meu coração doi" - José Divino, motorista do caminhão dos ossos pic.twitter.com/cx6mtKeue5
— Cecília Olliveira (@Cecillia) September 29, 2021
