Moderatorja rrëfen historinë e dashurisë me luftëtarin e UÇK-së: Ishte magnet për mua
Nga OraNews Përditësimi i fundit 24 Shtator 2021, 10:15
Moderatorja dhe folësja e lajmeve nga Kosova, Alketa Gashi, në një intervistë për "Ditë e Re" ka rrëfyer historinë e veçantë të dashurisë me bashkëshortin , Faik Fazliu.
Çifti janë prindër të 3 fëmijëve, 2 vajza dhe 1 djalë.
Alketa thotë se gjithmonë ka dashur që burri i saj të jetë luftëtar i UÇK, ashtu sikur bashkëshorti i saj ka qenë.
Alketa Gashi: "Kemi ndërtuar një familje, kemi 2 vajza dhe një djalë. Faiku ka qenë luftëtar i lirisë. E kam njohur disa vite pas luftës. Është plagosur në luftë. Plaga e tij ë luftës është krenari për mua. Ajo që më pëlqen më shumë te Faiku është se ai nuk flet shumë. Në familje jam unë ajo që flas shumë.
Kur i them nëse e pengon puna ime, ai më thotë: "Unë të kam njohur në skenë."
U njohëm kur isha 16 vjeç isha duke prezantuar një koncert.
Mbaj mend se pas koncertit kaluam për një kafe. Një mik i përbashkët ndërhyri për ne. Ma prezantoi dhe më tha ky është kryetari i shoqatës së veteranëve të luftës. "Morë çfarë djali" thashë me vete kur e pash. Më bëri përshtypje që ishte i ri, prisja të shikoja një 50-vjeçar.
Ishte magnet për mua. I besoj dashurisë me shikim të parë. Nuk kisha asnjë dyshim, e dija se ishte i duhuri për mua. Gjithmonë e kam thënë se unë do ta marr një burrë luftëtar. Unë do ta marr një UÇK thoja."
Moderatorja bukuroshe drejton në Kosovë emisionin e mëngjesit "Mirëmëngjes Kosova" si dhe një emision tjetër që i dedikohet librit.
Gjithashtu Alketa është folëse e lajme në RTK.
Ajo zbuloi në "Ditë e Re" se është duke punuar për një projekt të ri me rastin e muajit tetor të ndërgjegjësimit ndaj kancerit të gjirit.
