Benzema nuk ndalet, tripletë në fitoren me goleadë të Real Madrid (Video)
Nga OraNews Përditësimi i fundit 12 Shtator 2021, 22:55
Me një Benzema të tillë, shumë tifozë do të thonin se ç’i duhej Real Madridit Kylian Mbappe dhe ndoshta duhet ta mendojnë sërish.
Sulmuesi francez ishte i jashtëzakonshëm sot teksa me një tripletë udhëhoqi Real Madrid në fitoren e thellë 5-2 ndaj Celta Vigos, në një ndeshje ku pati festë edhe për blerjen e fundit Camavinga.
Edhe pse miqtë shënuan të parët që në 4’ me Santi Mina, Benzema menjëherë vuri barazpeshën por sërish Celta shënoi me Cervi për 2-1.
Me të nisur pjesa e dytë, edhe njëherë, Benzema riktheu në lojë Real Madridin dhe më pas gjithçka shkoi mirë me Vinicius që shënoi golin e avantazhit dhe më pas Camavinga i cili vetëm 6 minuta pasi kishte shkelur fushën shënoi në debutim.
Pati hapësire edhe për një gol të tretë nga Benzema i cili vulosi në 5-2 fitoren e Real Madrid, me këta të fundit që tashmë ndajnë kryesimin me Atl. Madrid.
