Basha: Jam gati të takoj Berishën
Nga OraNews Përditësimi i fundit 11 Shtator 2021, 22:27
Sot (e shtunë 11 shtator) Lulzim Basha bisedoi për rreth dy orë me dyer të mbyllura me kryetarët demokratë në rrethe në selinë qendrore në Tiranë.
Mësohet se Basha u sqaroi drejtuesve të degëve arsyet e përjashtimit të ish kryetarit të PD, nga grupi parlamentar, si dhe u përcolli udhëzime për atë që e pret tani Partine Demokratike.
Burime bëjnë me dije se në takimin që ka pasur Basha me kryetarët e degëve të PD ka thënë që jam i gatshëm të takoj Berishën dhe është shprehur i keqardhur.
Më herët, kur njoftoi përjashtimin e Berishës nga grupi parlamentar më 9 shtator, Basha tha se ishte një nga vendimet më të vështira që i ishte dashur të merrte.
E hëna është një tjetër ditë betejë mes demokratëve në vitin e tretë të opozitës, ndërsa Luzlim Basha do të zyrtarizojë listën me emrat e deputetëve të grupit parlamentar pa emrin e Sali Berishes, megjithëse ky i fundit nuk pranon të largohet.
