Regjisori serb pret që pas Afganistanit, SHBA-ja të tërhiqet edhe nga Kosova
Nga OraNews Përditësimi i fundit 16 Gusht 2021, 11:20
Regjisori serb Boris Malagurski, ka reaguar pasi talibanët morën kontrollin e Afganistanit pas tërheqjes së trupave të SHBA-së nga atje.
Malagurski ka krahasuar tërheqjen e trupave amerikane fillimisht nga Vietnami dhe së fundmi nga Afganistani me mbishkrimin a e ka radhën Kosova?
Kjo ka ngjallur reagime përmes komenteve, kryesisht nga shqiptarët të cilët e kanë quajtur qesharak.
Në vitin 2019 dokumentari i Malagurskit "The Wight of Chains 3", kishte ngjallur reagime të shqiptarëve në SHBA pasi kishte nisur të shfaqej në kinematë e New York-ut.
Në këtë dokumentar ai pretendonte se NATO gjatë bombardimeve ka përdorur uranium të varfëruar, ndërsa viktima i ka paraqitur shqiptarët dhe serbët, sipas tij pas bombardimeve ishin trefishuar rastet me kancer në Kosovë. /Zëri
