Qipro hap plazhin e parë pa plastikë
Nga OraNews Përditësimi i fundit 15 Gusht 2021, 20:55
Qipro hap plazhin e parë, me një sistem të veçantë që shmang përdorimin e plastikës.
Në këtë projekt janë përfshirë ngritja e disa shërbimeve ne bare dhe restorante.
Gjithashtu është ndërtuar një stacion për filtrimin e ujit dhe është falas për të gjithë pushuesit. Qëllimi është të shmanget blerja e shisheve plastike me ujë, që ndodh rëndom në sezonin veror.
Në ambientet e plazhit Ayia Triada, artisti Vangelis Evangelou ka krijuar një vepër arti me mbetje plastike në formën e breshkës. Ai mblodhi mbetjet përgjatë disa fushatave të pastrimit të plazhit dhe detit se bashku me aktiviste autoritetet lokale dhe biznesmenë.
Ndërkohë një tjetër zonë e veçantë është krijuar për duhanpirësit, në mënyrë që bishtat e cigareve të mos i hedhin më në rërë.
Edhe pushuesit e kanë mirëpritur këtë iniciativë .
“Është plazhi i parë në Qipro që inkurajon njerëzit të mos përdorin plastikë. Plazhi ofron disa mënyra alternative që shërbejnë në ndërgjegjësimin e përdorimit të plastikës, mbase kjo do I ndihmonte turistët vendas e të huaj të bënin vendimin e tyre në lidhje me këtë problematike."
“Mbani rërën dhe detin pa plastikë”, nisme e zbatuar këtë vere ne komunën Paralimni, u ndërmor nga 60 persona, e u mbështet edhe nga autoritetet qeveritare. Plazhi pa plastike, Ayia Triada ka filluar të funksionojë që nga data 4 gusht e mirëpret të gjithë ata që kërkojnë një vende pa mbetje plastike.
