"Heronjtë" e keqpaguar, zjarrfikësit në Vlorë 2 javë "luftë" me flakët në male
Nga Edi Ruçi Përditësimi i fundit 7 Gusht 2021, 14:20
Prej gati 20 ditësh zjarrëfikësit në Vlorë po përballen me zjarret që kanë djegur qindra hektarë.
Ky është Luan Kapaj zjarrëfikës nga Vlora që deri në 2019 ishte i njohur vetëm për vlonjatët, por puna e tij në Tërmetin e 26 nëntorit e bëri atë hero për gjithë shqiptarët.
Puna për shuarjen zjarreve sipas tij është shumë e vështirë.
“Kjo zonë është shumë e rrezikshe. Si për ne dhe për të gjithë se terreni është shumë I thyer, shkurret janë shumë të larta dhe temperature e flakës nuk të lë të afrohesh”
Ai thotë se që nga nisja e zjarreve po punojnë me orare të zgjatura, ndërsa shton se pasioni për këtë punë e bën që të mso tërhiqet deri në vatrën e fundit.
“Duam shumë kohë të vemi tek vatra e zjarrit. Punojmë me orë të zgjatura dhe kushtet janë tepër të vështira, por këtë punë Jemi. Jemi të detyruar të punojmë deri në ditën e fundit"
Por pavarësisht punës heroike, zjarrëfikësit në Vlorë prej disa muajsh nuk marrin pagesën e orëve shtesë, një fakt i pranuar të shtunën edhe nga kreu i bashkisë Dritan Leli.
Leli siguroi se zjarrëfikësit do të paguhen për çdo orë që shërbejnë.
Sipas legjislacionit aktual, bashkitë duhet që të paguajnë punonjësit e zjarrëfikëses 25% më shumë për çdo orë pune shtesë gjatë javës, dhe 50% për çdo orë pune gjatë ditëve të pushimit dhe po kaq nëse kanë punuar gjatë natës.
