"Me ujë, zjarr e xhudon e Kosovës s’ka lojë! Kosova mbi të gjitha"
Nga OraNews Përditësimi i fundit 29 Korrik 2021, 10:49
Sot kanë përfunduar garat në lojërat olimpike për xhudistet e Kosovës.
Trajneri i xhudos, Driton Kuka përmes një postimi në facebook informon se së shpejti kthehet në Kosovë.
“Medaljet Olimpike për popullin Shqiptar së shpejti do zbarkojnë në trojet shqiptare. Xhudistët e ekipit tonë me sot i përfunduan garat në Lojëra Olimpike! Dy Medalje të Arta! Ende po më duket si ëndërr e mirë. 5 garues e dy të arta! Medaljet janë të krejt ekipit me protagoniste Disin e Noren! Ashtu siç ishte e arta e Majlindës”
“Ekipi jemi ne që stërvitim,gëzohem e qajmë së bashku në fitore e humbje,aty qëndron forca jonë e madhe! Kemi në krye Agronin që çdo ditë duron tekat e mia të trenerit, por kjo krejt është shpaguar. 2 Olimpiada 3 Medalje të Arta! Me dhjetëra medalje Evropiane e Botërore! Këta jemi ne!” shkruan Kuka në facebook.
Kuka u shpreh shumë mirënjohës për të gjitha mesazhet e urimet që ka marrë.
“Ata që kanë menduar që medalja e artë e Majlindës është e para dhe e fundit, jeni mashtruar në llogari! S’po flas më shumë për sojin e juaj se s’dua ta prish festën e madhe! E kam thanë edhe më herët: Me ujë, zjarr e xhudon e Kosovës s’ka lojë! Kosova mbi të gjitha”.
