Avioni privat bie në mes të fshatit, humbin jetën 2 persona
Nga OraNews Përditësimi i fundit 21 Qershor 2021, 12:19
Një avion privat është rrëzuar në një fshat grek, Haria, Ilia, 15 kilometra larg Pyrgos.
Mediet helene bëjnë të ditur, se avioni është rrëzuar si pasojë e një problem në motor, ku si pasojë, dy persona kanë ndërruar jetë.
Avioni është rrëzuar afër shtëpisë së njërit prej viktimave.
Pas rrëzimit të tij, avioni u përfshi në flakë, ndërsa dy pasagjerët ishin djegur. Banorët nxituan për të ndihmuar në shuarjen e zjarrit.
Policia aktualisht është në vendngjarje dhe po punon për zbardhjen e plotë se si ndodhi aksidenti.
Deri më tani nuk dihen shkaqet e rënies, shkruan protothema.
