Hancok: Varianti indian i koronavirusit 40% më ngjitës se varianti britanik

Nga OraNews Përditësimi i fundit 6 Qershor 2021, 17:03

Varianti indian i koronavirusit ose ndryshe varianti Delta i cili  rrezikon heqjen e masave të fundit kufizuese në Britani, transmetohet me 40% më shumë se variant Alfa (varianti britanik) , i cili deri më tani dominon në Mbretërinë e Bashkuar, tha në një intervistë për BBC, ministri i Shëndetësisë  Matt Hancock .

Sipas Hancock, ky variant, i identifikuar së pari në Indi , përbën një sfidë të shëndetit publik dhe qeveria është "e hapur" për shtyrjen e heqjes së plotë të masave të planifikuara për 21 qershor, nëse konsiderohet e përshtatshme.

Sipas  gazetave britanike, qeveria po shqyrton shtyrjen e datës së hapjes dy javë më vonë me vendimin që pritet të shpallet në 14 qershor.

I pyetur nëse masa mbrojtëse siç është përdorimi i maskave  do të mbahen  në planin afatgjatë,  ministri u përgjigj  "nuk mund ta përjashtojmë atë".

Pavarësisht rritjes së numrit të rasteve të reja të koronavirusit në ditët e fundit, numri i pacientëve me Covid-19  mbetet i qëndrueshëm dhe, siç siguroi Hancock, shumica e pacientëve janë pacientë të pavaksinuar.

Britania, vendi më i goditur i Evropës me pandeminë, me gati 128,000 të vdekur, ka vaksinuar më shumë se 40 milionë persona me dozën e parë, ndërsa më shumë se 27 milionë kanë marrë dozën e dytë të vaksinës.