Po kujdesej për kanabisin, nëna harron vajzën në makinë, 3 vjeçarja humb jetën nga nxehtësia
Nga OraNews Përditësimi i fundit 5 Qershor 2021, 17:47
Një ngjarje e rëndë ka ndodhur në SHBA, ku një vajzë në moshën 3-vjeçare ka humbur jetën pasi nëna e saj e saj e la në makinë,në temperaturë të lartë për gati 3 orë.
Mediat e huaja, bëjnë me dije se vajza e mitur e identifikuar se Jessica Campos, është gjetur nga policia e vetme në mjet.
Nëna e vajzës, Eustajia Mojica Dominguez, 28 vjeçe, është arrestuar për vrasje dhe sipas mediave, kjo e fundit raportohet se ka qenë duke u kujdesur për kanabisin, ndërsa vajza po përjetonte momentet e fundit nga nxehtësia në makinë.
Sipas raportimit të policisë, temperatura brenda makinës ka qenë shumë e lartë saqë vogëlushja nuk mundur dot të marrë frymë. 3 vjeçares iu dha ndihma e parë nga një polic i zonës, por që nuk ka mundur të shpëtojë.
Ndërkohë zyrtarët thanë se zbuluan 70 bimë të rritura të marijuanës dhe 80 fidane të kësaj bime, brenda shtëpisë ku ishte parkuar makina.
