KQZ miraton rezultatin e zgjedhjeve për qarkun e Kukësit, PD fituese me 62.27 % të votave
Nga OraNews Përditësimi i fundit 1 Maj 2021, 12:19
Komisioni Qendror i Zgjedhjeve në mbledhjen e ditës së sotme ka miratuar rezultatin e zgjedhjeve parlamentare për qarkun e Kukësit, për subjektet politike dhe për kandidatët.
Gjatë mbledhjes së KQZ nuk pati kundërshtime të vendimit nga asnjë palë politike apo kandidat.
Sipas KQZ, qarku i Kukësit ka tre mandate dy nga të cilat u fituan nga PD me 62.27% të votave dhe një nga PS me 35.84% të votave.
Kandidatët fitues nga PD ishin Flamur Hoxha dhe Isuf Çelaj, ndërsa nga PS Gerta Duraku.
Në qarkun e Kukësit votuan 40894 zgjedhës, ku vota të pavlefshme dolën 2188.
