Gjendet makina e djegur dhe kallashnikovi me të cilin u vra "Mond Çekiçi", plumbat bëjnë "shoshë" makinën ML
Nga OraNews Përditësimi i fundit 20 Mars 2021, 11:06
Edmond Koçi, anëtar i bandës së Durrësit, i njohur si “Mond Çekiçi” është vrarë ditën e sotme me armë zjarri.
Ai është vrarë në makinë e tij mëngjesin e sotëm ora 08:40 i ulur në vendin e pasagjerit.
Personat e maskuar kanë qëlluar drejt makinës duke e lënë të vdekur 40-vjeçarin.
Mësohet se ai udhëtonte gjithmonë i shoqëruar me një person, për shkak të frikës së ndonjë hakmarrjeje të mundshme.
Makinës ku udhëtonte Koçi i ka prerë rrugën një tjetër makinë dhe më pas një person ka shtënë mbi makinën ku ai udhëtonte.
Mbi 10 shenja të plumbave janë në xhamin e krahut të makinës dhe mbi 3 plumba në xhamin e përparmë.
Ndërkohë në makinën e djegur në zonën e Sukthit është zbuluar edhe arma e krimit tip Kallashnikov.
Lexo edhe: Atentat në Durrës/ Vritet në makinë “Mond Çekiçi”, në Sukth gjendet makinë e djegur
Përpos makinës, njëri nga plumbat ka kapur edhe një shtyllë elektrike anash rrugësh, si dhe një qepen.
Policia ka marrë makinën e Koçit tip ML, ndërkohë që në asfalt dallohen xhama të thyer dhe shenja gjaku.
Ndërkohë, në Sukth është gjetur duke u djegur një mjet tip “Benz”, me targa të vjedhura, që dyshohet se është përdorur nga autorët.
“Mond Çekiçi” konsiderohej nga policia e Durrësit si person me rrezikshmëri, si një person pjesë e bandës së Durrësit.
