"Më prishën teatrin që kisha kujtime, kap e ndërto pallate", Tironsi 65-vjeçar përlotet në EXPULS
Nga OraNews Përditësimi i fundit 16 Shkurt 2021, 12:12
Sotir Jaho është padyshim Tironsi më cool që keni parë, i cili ka rrëfyer jetën e tij plot gjallëri në EXPULS përballë gazetarit Ronaldo Sharka.
Me shumë vath, tatto, xhinsa, conversa dhe me bluzën e Jokerit, sa në lagje dhe në bllok, Sotir Jaho jeton sikur të ishte 20 vjeç.
Ai foli edhe për mentalitetin shqiptar, se çfarë e shqetëson, ku ndër të tjera ka thënë se duhet të ngrihemi e revoltohemi nëse diçka nuk shkon. I pyetur nëse ai ka dalë nëpër protesta, Sotir Jaho u shpreh:
"Po, kam qenë tek protesta e teatrit. Si na u prish ai teatër? E di ça kujtimi kam unë aty? Ja po t'a them t'a marrin vesh të gjithë. Kur jam fejuar unë, gjëja e parë që bëra, i bleva të fejuarës biletë për në teatër. Ma prishën, e kisha kujtim, më vjen për të qarë më vjen.
Përse e prishën? Jo vetem teatri, por dhe shumë gjëra të tjera. Hajde bëjmë pallat, prish këtë. Në Tiranë s'ka më gjëra që mbahen mend. Liqeni ka qenë i bukur, pse duhet të bëjmë lokale? Më thuaj kush vjen nga Kinostudio të sjelli kalamanjt tek Liqeni? Ashtu more bar lëre. Këtu nuk ka lulishte"- u shpreh Sotir Jaho.
Ndiqni intervistën e plotë për më tepër:
