Patos: Pëson shkarje rruga që lidh 5 fshatra
Nga OraNews Përditësimi i fundit 16 Shkurt 2021, 10:46
Për shkak të reshjeve të shumta të shiut të rëna gjatë këtyre ditëve janë krijuar probleme në disa segmente rrugore në fshatrat e bashkisë së Patosit.
Administratori i njësisë Rushdie, Agim Mesutaj tha se në këtë zonë ka pasur shkarje për shkak të reshjeve të dendura të shiut.
Ky segment rrugor lidh 5 fshatra: Siqecë, Drenie, Rushdie, Kasnicë dhe Gjynoqarë.
Rruga ka pësuar shkarje edhe në pjesë të tjera, por janë marrë masa të menjëhershme me hapjen e akseve dytësore.
