“Shqipëria ka ngecur në baltë” Basha i kujton Ramës premtimet e disa viteve më parë: Ka ardhur koha...
Nga OraNews Përditësimi i fundit 14 Shkurt 2021, 13:51
Kryetari i Partisë Demokratike, Lulzim Basha në një deklaratë për mediat i ka kujtuar kryeministrit Rama premtimet e bëra përgjatë fushatës të disa viteve më parë.
Basha i ka cilësuar këto premtime si propagandë, ndërkohë që shton se Shqipëria me Ramën ka ngecur në baltë.
Basha: Vendi ynë është nën ujë. Sërish.
Rrugët janë bllokuar. Sërish.
Njerëzit po jetojnë në çadra. Ende.
Gra e fëmijë po vuajnë të ftohtin.
Katastrofa natyrore kanë ndodhur këto kohë dhe gjithmonë do të ndodhin.
Pyetja e vetme që shtrohet është: ç'po bëhet për të shmangur sa më shpejt e sa më mirë pasojat që i vuajnë qytetarët?
Çfarë bën Edi Rama sa herë njerezit kanë nevojë për ndihmën e shtetit?
Vetëm propagandë!
Çfarë bëri Rama pasi ra tërmeti? Vetëm propagandë!
Çfarë bëri Eama kur nisi pandemia? Vetëm propagandë!
Çfarë bëri pasi nisën përmbytjet? Vetëm propagandë!
Ku është Rama ku shumica e vendit është e bllokuar?
Rama po bën atë që di të bëjë më mirë: vetëm propagandë!
Me Ramën Shqipëria ka ngecur në baltë, dhe ka ardhur koha që ta nxjerrim atë nga balta.
