Shirat nuk lenë rehat as të vdekurit, rrëshqasin disa varre në Durrës. Nesër rivarrimi
Nga OraNews Përditësimi i fundit 5 Shkurt 2021, 20:34
Shirat e fundit kanë shkaktuar rrëshqitje dhe çarje të dherave edhe në zonën e varrezave të vjetra në qytetin e Durrësit.
Katër varre kanë lëvizur e rrëshqitur, por pa nxjerrë eshtra në sipërfaqe.
Nga ndërmarrja e Bashkisë, që ka në varësi varrezat publike, është bërë me dije se nesër do të mblidhen eshtrat e varreve që kanë rrëshqitur, në prani të familjarëve dhe do të kryhet rivarrimi tek varrezat e reja.
Pak ditë më parë Këshilli Bashkiak ka miratuar privatizimin e shërbimit të mirëmbajtjes së varrezave në Durrës.
Dega e Partisë Demokratike në Durrës ka kallëzuar në KQZ vendimin e këshillit bashkiak të këtij qyteti për dhënien me koncesion të varrezave.
Kallëzimi është depozituar me 2 shkurt. Në të nënvizohet fakti se shërbimi, i cili kryhej nga Bashkia e Durresit, vendoset ti kalohet privatit, ne nje periudhe kohore te ndaluar nga Kodi Zgjedhor.
Ndaj PD i kërkon KQZ, shqyrtimin e këtij kallëzimi sipas parashikimeve ligjore.
Lexo edhe:
Dhënia me koncesion e varrezave të Durrësit, PD kallëzon në KQZ këshillin bashkiak
