Reportazh/ Ora News hyn në Obotin e përmbytur, aty ku njerëzit prej javësh jetojnë mes ujit
Nga OraNews Përditësimi i fundit 3 Shkurt 2021, 16:11
Varkat janë i vetmi mjet që lidh Obotin me pjesën tjetër. Udhëtimi deri në fshat zgjat 15 deri në 25 minuta me mjetet e forcave të armatosura
Duket sikur lundron në Liqen.
Uji ka mbuluar tokat bujqësore, ka dëmtuar serat e kultivuara dhe ka rrethuar shtëpitë e fshatit prej gati një muaji.
Banorët janë të lodhur nga kjo gjendje e krijuar dhe nuk hezitojnë ta shprehin.
Për ta nuk është pasojë e natyrës
“Askush nuk ka ardhur. Oboti nuk është i pabanueshëm për shkak të natyrës por na dëmtojnë hidrocentralet”
Këmbët në tokë prekin vetëm në rrugën kryesore.
Për të lëvizur brenda fshatit duhen çizmet e peshkatarit dhe sërish varkat
Oboti është fshati i parë që përmbytet dhe i fundit që uji tërhiqet.
Familjet janë vendosur në katet e sipërme të shtëpive.
Pas vitit 2011 e 2018, kjo është përmbytja e tretë e madhe e nën-Shkodrës nga vërshimi i ujrave, që janë kthyer në mysafirin e padëshiruar të çdo dimri.
