Skandali në Lezhë, flet 80-vjeçari që u dhunua nga punonjësi i rrugës: I thashë hiqe lopatën, ai mori shkopin dhe...
Nga OraNews Përditësimi i fundit 18 Janar 2021, 16:12
Një 80-vjeçar është dhunuar me sende të forta në Lezhë, në derën e shtëpisë së tij nga punonjësi i një firmë që po kryente punimet në rrugën pranë.
Këto pamje tregojnë dhunën që pësoi nga një punonjës i një firme që kryente punime në Lezhë, qytetari Kostandin Kapedani.
I moshuari shihet aty teksa goditet me sende të forta para banesës së tij në lagjen "Gurra".
Me shenja të goditjeve në fytyre ende të dukshme, ai tregon se u sulmua pasi dalë tu kërkojë punëtorëve të tregonin kujdes mos i dëmtonin objektin.
"Ai kishte lopatën në dorë, i thashë hiqe dhe mos punoni më këtu. Pastaj ai mori shkopin dhe ja si më bëri."
80-vjeçari, punon si mirëmbajtës i Kishës Ortodokse thotë se ngjarjen e denoncoi në Polici, por sipas tij blutë e nxitën që ta falë dhunuesin.
"Bëra denoncimin në polici.I thashë e kam falur, policia në vend që të merrej me atë, më pyeste mua."
Policia e Lezhës zyrtarisht nuk ka dhënë asnjë reagim për këtë skandal dhune të denoncuar nga kryetari i FRPD-së në Lezhë.
LEXO EDHE
Lezhë, qytetari sherr me punëtorin në mes të ditës për punimet në rrugë
