Në Shkodër ende 1800 ha nën ujë, në Lezhë dalin në pah pasojat e përmbytjes
Nga OraNews Përditësimi i fundit 14 Janar 2021, 15:40
Tërheqja e ujit nga fusha e Zadrimës po zbulon dëmet që ka shkaktuar në bujqësi.
Për vlerësimin e dëmeve institucionet thonë duhet ende kohë, por fermerët nuk kanë besim se do të kompensohen.
Banori :"Jo, jo nuk presim me marr gjë. Ça ka me na ba, as shteti, as kërrkush."
Përmbytjet në fushat e Lezhës janë të vazhdueshme, por në këto përmasa nuk ishte parë prej shumë vitesh.
Banor :"Ka vite që s'ka dalë ky ujë ."
Fermerët thonë se shkak ishte mos ndërhyrja siç duhet në kanalet kulluese.
Banor :"Jo me shku tu i bo skarpata , a kupton ? Me i bë bukur, duan të ken volur ato për me marr ujë."
Tërheqja e ujit ka nisur edhe në Shkodër, por 1880 hektarë ende konsiderohet e përmbytur.
Oboti po ashtu mbetet i izoluar për shkak se uji në rrugë arrin 80 cm.
Bashkia e Shkodrës thotë se vijon shpërndarjen e bazës ushqimore për gjënë e gjallë në zonat e bllokuara.
