Gjykata e Udines e dënoi me 5 vite e gjysmë burg, 33 vjeçari arrestohet në Pogradec
Nga OraNews Përditësimi i fundit 14 Janar 2021, 11:09
Një 33 vjeçar është arrestuar në Pogradec me qëllim ekstradimin në drejtim të Italisë.
Majerdi Meko, 33 vjeç, banues në Petrushë të Pogradecit akuzohet nga Gjykata e Udines në Itali për veprën “Emigracion i paligjshëm”. Ndaj tij është lëshuar urdhër-arresti, pas dënimit me 5 vite e 6 muaj burg.
“U bë e mundur kapja dhe ndalimi i shtetasit të shpallur në kërkim ndërkombëtar Majerdi Meko, 33 vjeç, banues në fshatin Petrushë, Pogradec.
Autoritetet gjyqësore italiane kanë lëshuar urdhër-arrestin për këtë shtetas, pasi Gjykata e Udines, Itali, e ka dënuar atë me 5 vjet dhe 6 muaj burg, për veprën penale "Emigracion i paligjshëm", parashikuar nga Kodi Penal italian”, njofton policia.
Interpol Tirana, në bashkëpunim me Interpol Romën, po vijon procedurat për ekstradimin e këtij shtetasi drejt Italisë.
