Pas Erdoganit te Mitsotakis, Rama në Greqi për vaksinat, në Athinë diskutohet deti
Nga OraNews Përditësimi i fundit 8 Janar 2021, 17:41
Pas Turqisë, kryeministri Edi Rama ka gjetur dakordësinë për të zhvilluar si marrëdhënie strategjike edhe atë me Greqinë.
Pas takimit me homologun helen, Kyriakos Mitsotakis dhe ministrin e Jashtëm Nikos Dendias, Rama e përmblodhi me një status në twitter gjithçka kishte biseduar.
Rama: Falenderues për shijen e shkëlqyer të mikpritjes në shtëpinë e kryeministrit Mitsotakis, ku bëmë një bilanc të situatës me Covidin, marrëdhënies mes dy vendeve tona dhe problematikave rajonale! Vullnet i plotë për ta zhvilluar bashkarisht më tej këtë marrëdhënie strategjike.
Në pak informacion, Kryeministri shqiptar nuk ka bërë të qartë nëse është folur për çështjen e kufirit detar, por pikërisht këtë të premte qeveria greke ka njoftuar dërgimin në parlament të projektligjit për “përcaktimin e gjerësisë së zonës bregdetare në zonën detare në Jon deri në Kepin Tainaro të Peloponezit“.
Projekti pritet të votohet më 19 janar 2021, sipas medias greke.
Dreka e punës me kryeministrin Mitsotakis pason takimin me ministrin e Jashtëm Nikos Dendias, ku temë e takimit ka qenë marrëdhënia dypalëshe dhe gjendja rajonale si dhe emergjenca shëndetësore e shkaktuar nga pandemia e koronavirusit.
Që prej fillimit të vizitës së kryeministri Rama në Ankara, mediat greke kanë sjellë në kujtesë deklaratat publike të kryeministrit shqiptar në lidhje me drejtimin e palëve në Gjykatën e Hagës dhe të drejtën e Greqisë për t’u zgjeruar me 12 milje.
Këtu mediat greke përmendin edhe arritjen e marrëveshjeve dypalëshe me Italinë dhe Egjiptin, që sipas tyre janë të bazuara mbi Konventën për Ligjin e Detit.
Burimet mediatike greke bëjnë me dije se Greqia është ofruar të ndihmojë Shqipërinë edhe me një sasi vaksinash.
LEXO EDHE
TV ERT: Nuk ka veprim për çështjen e detit para zgjedhjeve të prillit
