Erdogan dhe Rama “shtypin” FETO-n: Nuk do lejojmë të helmojë marrëdhëniet mes dy vendeve
Nga OraNews Përditësimi i fundit 6 Janar 2021, 16:44
Presidenti i Turqisë Erdogan dhe kryeministri shqiptar Edi Rama janë dakordësuar që organizata e Fetullah Gulen të mos cënojë marrëdhënien mes dy shteteve. Aksioni i përbashkët nis nga shkollat.
"Nuk do të lejojmë që organizata terroriste "FETO" të helmojë marrëdhëniet mes dy vendeve tona."
Ky ishte mesazhi që përcolli presidenti turk Rexhep Taip Erdogan në konferencën e përbashkët për mediat me kryeministrin Rama në Ankara lidhur me organizatën e Fetullah Gylen, e njohur si "FETO".
Erdogan: Një nga pikat kryesore të axhendës së takimeve tona ishte bashkëpunimi ynë në luftën kundër terrorizmit dhe në fushën ushtarake dhe atë të mbrojtjes. Ne bashkë me autoritetet shqiptare dakordësohemi që organizata terroriste e Feto-s përbën kërcënim për dy vendet. Ne nuk do të lejojmë që FETO të helmojë marrëdhëniet mes dy vendeve dhe me këtë rast Turqia me në krye Fondacionin e ''Maarifit' dhe të gjitha institucionet e tjera përkatëse do të jetë pranë Shqipërisë. Fondacioni i ''Maarifit' që ka marrë Universitetin e Nju Jorkut në Tiranë bashkë me Universitetin teknik të Stambollit do të vijë dhe rektori këtu dhe do të hidhen hapat e parë të bashkëpunimit mes dy vendeve. Aktualisht janë 100 studentë shqiptarë që po studiojnë në Universitetin Teknik të Stambollit. Me këtë hap kemi hedhur një hap shumë të rëndësishëm në bashkëpunimin mes dy vendeve në arsim.
Dy liderët që nuk e kanë fshehur asnjëherë miqësinë mes tyre nënshkruan krijimin e këshillit të bashkëpunimit të nivelit të lartë.
Shikoni si e priti presidenti Erdogan kryeministrin Rama në Ankara
Erdogan: Jam shumë i kënaqur që pres sot në Ankara kryeministrin e Shqipërisë Edi Rama dhe delegacionin e tij. Jemi dy popuj vëllezër që kemi jetuar sëbashku, kemi luftuar së bashku dhe kemi lënë gjurmë në histori.Në çdo cep të Shqipërisë gjenden gjurmë të përbashkëta. E konsiderojmë detyrë ta forcojmë më shumë këtë lidhje. Me rastin e kësaj vizite kemi nënshkruar marrëveshjen e përbashkët politike, në nivel të partneritetit strategjik. Në takim përveç diskutimit të çështjeve bilaterale diskutuam edhe çështjet rajonale. Shqipëria sa ka përfunduar me sukses presidencën e OSBE, që nga 1 janari ka marrë presidencën e BISEK. Shqipëria përjetoi dy tyërmete dhe pas çdo tërmeti vrapuam në ndihmë të vëllezërve tanë shqiptarë.
Erdogan: Më këtë rast uroj që zgjedhjet e përgjjthshme që do të mbahen në 25 prill të jenë të dobishme për Shqipërinë dhe popullin shqiptar.
Në kushtet e mungesë së datës për t’u ulur në konferencën e parë ndërqeveritare dhe zhgënjimit nga sjellja e BE për vaksinën anti-Covid, Rama sqaroi arsyen se pse zgjodhi t’i çojë marrëdhënien me Turqinë në një nivel tjetër.
Turqia do të financojë restaurimin e xhamisë së plumbit në Shkodër dhe ka marrë përsipër ndërtimin e spitalit të ri rajonal të Fierit.
LEXO EDHE: “Do ta mbaroj para zgjedhjeve spitalin e Fierit” basti i Edoganit me Ramën
Ky investim mund të jetë dhurata e fundit e Erdoganit për Edi Ramën si Kryeministër.
Kreu i Shtetit turk e pati një urim edhe për zgjedhjet.
Erdogan: Dua që të uroj zgjedhjet e 25 prillit të jenë të dobishme për Shqipërinë dhe popullin shqiptar.
