Vlorë: I riu merr armën e babait e qëllon kunatin
Nga OraNews Përditësimi i fundit 31 Dhjetor 2020, 12:15
Një 25 vjeçar është plagosur paraditen e sotme në qytetin e Vlorës.
Plagosja me armë zjarri ndodhi në lagjen “Partizani”.
Xhuliano Muça është dërguar në spital dhe është jashtë rrezikut për jetën.
Mësohet se autori i dyshuar identifikuar si Altin Koço me armën e babait, punonjës në paraburgim, ka qëlluar në drejtim të kunatit të tij. Autori është i mitur informon gazetari i Ora News, Edi Ruçi.
"Paraditen e sotme, në spitalin rajonal Vlorë, është paraqitur për ndihmë mjekësore shtetasi Xh. M., 25 vjeç, i cili dyshohet se është plagosur me armë zjarri, si pasojë e një konflikti të çastit.
Në vendngjarje ndodhen shërbimet e Policisë dhe grupi hetimor, të cilët kanë bërë të mundur identifikimin dhe shoqërimin e dy personave të dyshuar për këtë ngjarje. Po punohet për sqarimin e plotë të rrethanave të ngjarjes." informon policia e Vlorës.
