Tërmeti i fuqishëm/ Meta: Pranë Kroacisë, me të gjithë kapacitetet tona të mundshme
Nga OraNews Përditësimi i fundit 29 Dhjetor 2020, 17:59
Pas kryeministrit Edi Rama, edhe presidenti i Republikës Ilir Meta reagon lidhur me tërmetin e fortë që goditi sot Kroacinë.
Kreu i shtetit shpreh trishtimin e tij për tërmetin e rëndë, ndërsa shpreh solidaritetin e tij me popullin dhe autoritetet kroate.
Lexo edhe:
Emocionuese/ Momenti kur babë e bir nxirren të gjallë nga rrënojat e tërmetit
Presidenti Meta: "I trishtuar nga tërmeti i rëndë, që goditi sot Kroacinë mike! Solidaritet njerëzor me popullin dhe autoritetet kroate, me urimin për ta përballuar me të gjithë forcën këtë situatë të vështirë dhe lehtësuar dhimbjen e familjeve, që kanë humbur të dashurit e tyre. Pranë Kroacisë, me të gjithë kapacitetet tona të mundshme, si partnerë strategjikë, krah për krah në çdo sfidë".
Kroacia u godit ditën e sotme nga një tërmet i fuqishëm me magnitudë 6.4 ballë dhe deri tani raportohet për viktima, përpos shumë ndërtesave të rrënuara.
/A.r,OraNews
