Kthjellime, vranësira dhe reshje të izoluara, ja si do të jetë moti sot dhe nesër
Nga OraNews Përditësimi i fundit 20 Dhjetor 2020, 08:11
Territori shqiptar vijon me kthjellime dhe vranësira të pakta gjatë paradites. Por në vijim vranësirat do shtohen, duke krijuar mundësi për reshje të izoluara ne zonat Jugperëndimore.
Temperaturat e ajrit do te ulen në mëngjes, por do te rriten në mesditë duke luhatur vlerat ditore nga -1°C deri në 16°C.
Era do fryjë e lehte me shpejtesi 25 km/h nga drejtimi Lindor - Verilindor duke krijuar dallgëzim të ulët.
E njëjta panoramë paraqitet edhe në nisje të javës së ardhshme.
Sipas MeteoAlb, gjatë ditës së hënë vendi yne do të jete me mot te kthjellet dhe vranesira kalimtare në orët e para të dites.
Por në orët vijuese pritet që moti ne Shqipëri të permirësohet gradualisht, situatë që do mbetet edhe në orët e mbrëmjes.
Temperaturat e ajrit do të mbeten të pandryshuara në mëngjes, por do te ulen në mesditë duke luhatur vlerat ditore nga -1°C deri në 15°C.
Era do fryjë e lehte ne toke dhe mesatare ne det me shpejtesi 28 km/h nga drejtimi Verior duke krijuar dallgëzim 2 ballë.
