Itali vazhdon numri i lartë i viktimave dhe të infektuarëve nga Covid-19
Nga OraNews Përditësimi i fundit 12 Dhjetor 2020, 19:18
Italia vazhdon të shënojë një numër të lartë viktimash e të infektuarish nga pandemia Covid 19.
Në 24 orët e fundit Italia ka regjistruar 649 viktima e 19 902 të infektuar, si dhe 24 728 të shëruar.
Numri i të infektuarve aktivë është sot 684 848 persona ndër të cilët 28 066 marrin kurim në strukturat spitalore e 3199 në repartet e terapisë intesive.
Raporti javor i autoriteteve italiane ka analizuar se në të gjithë territorin italian vihet re një përmirësim i situatës pandemike në nivel kombëtar si dhe një reduktim i lehtë i numrit të pacientëve që kërkojnë kurim në repartet spitalore Covid dhe në ato të terapisë intesive.
Në çdo 100 mijë banorë mesatarisht janë 455 të infektuar e koefiçienti i rrezikut të infektimti ka zbritur në kuotën RT 0.82.
Ministri italian i shëndetësisë, Roberto Speranza, ka firmosur urdhërin që prej datës 13 dhjetor rajonet Lombardi, Calabria, Piemonte e Basilicata do të dalin nga zona portokalli e do të konsiderohen zonë e verdhë infektimi , pra duke dalë nga territori i rrezikut mjaft të lartë nga infektimi Covid 19.
Numri i të infektuarve nga pandemia në Itali ka shkuar deri më sot në 1.825.775 e i viktiamve në 64.036.
