Shkodër: Të rinjtë i vënë flakën, shkatërrohet selia PS, ndërhyn FNSH
Nga OraNews Përditësimi i fundit 12 Dhjetor 2020, 15:36
Ajo që nisi si marshim homazh për 25 vjeçarin Klodian Rasha, përfundoi në një sulm të dhunshëm ndaj selisë së Partisë Socialiste në pushtet.
Adoleshentë e të rinj, thyen derën e dritaret dhe u futën brenda zyrave nga ku nxorën dokumenta e orendi dhe u vunë flakën në rrugë.
Pamjet në video tregojnë atë që lanë pas brenda në godinë.
Plaçkitja e shtëpisë së socialistëve në Shkodër dhe zjarri para saj zgjatën për rreth gjysmë ore.
Kjo grua dhe disa aktivistë të tjerë nuk arritën ti ndalojnë aktet e dhunës.
Ishte gazi lotsjellës i forcave speciale që largoi nga selia e PS-së të rinjtë që më herët kishin djegur e shkatërruar pronën publike edhe në qytet, ndërsa nga përplasjet një efektiv policie mbeti i plagosur.
Ora News përcjolli live zhvillimet.
Ora 13:39 Ilir Beqaj për Ora News: Taktikë e shëmtuar e opozitës përfshirja e fëmijëve në protestë
Ora 13:00 Reagon Rama: “Terroristët e Boko Haramit i përdorin fëmijët si kamikazë” Rama reagon pas shkatërrimit të selisë PS Shkodër
Të rinjtë bëjnë thirrje Digje! Digje!
Ora 12: 38 Ndërhyjnë forcat e ndërhyrjes së shpejtë. Hedhin gaz lotsjellës për të shpërndarë turmën. Grupi që ishte përballë Selisë së PS janë shpërndarë pas hedhjes së gazit lotsjellës
Gazetari i Ora News Bepin Kolvataj është futur në ambientet e brendshme të selisë së PS ku ndodhen dhe forca të shumta policie për të kryer hetimet e nevojshme.
