"Mos ka vdekur e nuk dimë gjë?"/ Ankth te Infektivi, qytetari s'e di fatin e vëllait
Nga OraNews Përditësimi i fundit 9 Nëntor 2020, 09:28
Situata pranë spitaleve Covid e kryesisht pavionit të Infektivit në QSUT paraqitet tepër e rëndë.
Mungesa e shtretërve ka bërë që autoambulancat e shumta në oborrin e tij të kthehen në “spitale lëvizës” deri në lirimin e ndonjë shtrati.
Për të ilustruar situatën pranë Infektivit, Ora News ju sjell rastin e një zotërie, i cili edhe pse e ka sjellë vëllain që mëngjesin e djeshëm, në gjendje të rëndë, përveç faktit që e ka lënë në autoambulancë, nuk ka asnjë informacion mbi shëndetin e familjarit të tij.
“E kam prurë dje në mëngjes. Si t’ja bëj unë tani? Është në gjendje të rëndë, Mos ka vdekur e nuk dimë gjë”
- Kush ju mori në telefon?
“Më mori një nga infermierët e pavionit ku është shtruar. Nuk më mori mua, ka marrë vëllain”.
Një ditë më parë, Shqipëria regjistroi numrin më të lartë të infektimeve ditore që nga nisja e pandemisë, plot 501.
Ndërsa në spitalet Covid janë të shtruar 374 pacientë, 4 të intubuar dhe 13 në terapi intensive.
