Denoncimi i PD: Rama i jep edhe 790 mln lekë Inceneratorit të Elbasanit

Nga OraNews Përditësimi i fundit 8 Nëntor 2020, 20:09

Edi Rama i jep edhe 79 milionë të tjera Inceneratorit të Elbasanit.

Denoncimin e bën Dorian Teliti, shefi i kabinetit të kreut të PD-së.

Sipas Telitit, “me aq para të dhëna brenda një dite për një nga oligarkët (647mijë euro), plagët e shoqërisë nuk do shëroheshin, por ndihmë gjithësesi do ishin nëse Edi Rama do të mendonte për njerëzit dhe ekonominë e jo për miqtë e oborrit qeveritar”.

Denoncimi i plotë:

Vetëm dy ditë më parë ER ka lëvruar nga buxheti i shtetit 79 milionë lekë (të reja) për incineratorin e Elbasanit, plot 647 mijë euro.


Shqiptarët sot janë në betejë të egër me mbijetesën dhe me Covid-19.


ER ka braktisur shëndetësinë, ambulancat po shndërrohen në ‘salla reanimacioni’ ku pacientët rrinë me orë të tëra e presin në radhë për tu shtruar, e tamponët që kryhen janë minimaliste (rreth 4 herë më pak testime se rajoni), ku familjet me ndihmë ekonomike & pensionistët i kanë tryezat bosh dhe qindra biznese po falimentojnë dita ditës e të shumtë janë ata që kanë humbur vendin e punës.


Me aq para të dhëna brenda një dite për një nga oligarkët (647mijë euro), plagët e shoqërisë nuk do shëroheshin, por ndihmë gjithësesi do ishin nëse ER do të mendonte për njerëzit dhe ekonominë e jo për miqtë e oborrit qeveritar, pasi me aq para:


mund te kryheshin te paktën 16.100 teste, ose;


647 biznese të vogla mund të merrnin cekun prej 1000 euro për të mbajtur frymën gjallë, ose;


6583 pensionistë mund të merrnin bonusin mujor prej 2 mijë lekësh të reja, për 6 muaj për të blerë maska dhe alkol, ose;


823 kryefamiljarë që kanë humbur vendin e punës mund të merrnin bonusin prej 16mijë lekë në muaj për 6 muaj për të ushqyer fëmijët e tyre.


Paratë janë në arkën e shtetit, pasi çdo ditë qytetarëve dhe sipërmarrësve u merren para nga xhepi me taksat e rritura ???? të ER si askund vend tjetër të rajonit, por kur vjen puna që qeveria t’jua kthejë mbrapsht për tu ardhur në ndihmë në këto muaj krize, ata e gjejnë veten në ‘listë pritjeje’…prioritet kanë kontratat PPP dhe klientela qeveritare, askush tjetër.


Është koha të ikë ER & miqtë e tij që zhvatën bashkë çdo qindarkë dhe e rrënuan Shqipërinë.


Është koha tu kthejmë paratë e tyre shqiptarëve, është koha për politika ekonomike që hapin vende pune dhe mbështetje për të pamundurit e shoqërisë.


25 prilli po afron dhe #ditëmëtëmira do të vijnë.