Rekord të infektuarish me Covid/ 319 raste të reja dhe 3 viktima në 24 orë, shqetësuese situata në spitale

Nga OraNews Përditësimi i fundit 30 Tetor 2020, 16:15

Shqipëria vijon të shënojë rekorde të reja të infektimeve nga koronavirusi dhe rritje të numrit të personave të shtruar në spitalet COVID. Vetëm në 24 orët e fundit rezultuan pozitiv 319 persona ndërsa humbën jetë 3 qytetarë duke e çuar bilancin total në 502.

E premtja ka shënuar numrin më të lartë të të prekurve me Covid në vendin tonë. Nga 1534 teste të kryera në 24 orët e fundit 319 persona kanë rezultuar pozitiv, ndërsa numri i të shëruarve është i ulët, 90 pacientë kanë arritur të fitojnë betejën me virusin Sars Cov 2.

Fatkeqësisht si pasojë e koronavirusit, 3 qytetarë të cilët kishin edhe sëmundje të tjera bashkëshoqëruese nuk kanë mundur të mbijetojnë.

Edhe në 24 orët e fundit numri i pacientëve në spitalet Covid vijon të jetë shqetësues. Në spitalin Infektiv dhe atë Shefqet Ndroqi po marrin trajtim 301 pacientë, 15 në terapi intensive dhe 6 pacientë të intubuar.

Në 24 orët e fundit janë shëruar 90 qytetarë, duke e çuar numrin e të shëruarve në 11,097 që nga fillimi i epidemisë.

Kryeqyteti vijon të jetë problematik me numrin më të lartë të personave aktiv me Covid-19 me plot 4566 raste, për u pasuar me Durrësi, Fierin, Korçën, Shkodrën apo Elbasanin.

Krahas me rritjen e numrit të personave të infektuar, vijon dhe ndëshkimi i qytetarëve nga policia për refuzim të mbajtjes së maskës.

Vetëm në 24 orët e fundit sipas bluve janë ndëshkuar me gjobë prej 3 mijë lekësh rreth 727 persona.

Kur kanë kaluar 2 javë nga zbatimi i aktit normativ për mbajtjen e maskës, burimet bëjnë të ditur se janë ndëshkuar 10 mijë qytetarë.

Rastet pozitive të konfirmuara në 24 orët e fundit janë identifikuar në këto bashki: 141 raste në Tiranë, 38 në Fier, 15 në Pogradec, nga 13 raste në Elbasan, Kavajë, 11 në Korçë, 9 në Krujë, nga 8 raste në Durrës, Berat, Kuçovë, 7 në Gramsh, nga 6 raste në Lezhë, Tropojë, Sarandë, nga 4 raste në Shkodër, Vlorë, Mirditë, Patos, nga 3 raste në Kurbin, Rrogozhinë, 2 në Devoll, nga 1 rast në Kukës, Lushnje, Gjirokastër, Ura Vajgurore, Bulqizë, Klos.

 Viktimat: Një 72 vjeçare dhe 73 vjeçare nga Tirana, 81 vjeçare nga Berati, me sëmundje bashkëshoqëruese.

Aktualisht në spitalet Covid po trajtohen 301 pacientë, 15 në terapi intensive nga të cilët 6 pacientë janë të intubuar.

COVID-19 – Statistika (30 Tetor 2020)

Raste të reja ditore                                         319

Të shëruar ne 24 orë                                      90

Të shtruar në spitale                                       301

Humbje jete në 24 orë                                  3

Testime ditore                                                  1534

Testime totale                  123,960

Raste pozitive                       20,634

Raste të shëruara               11,097

Raste Aktive                            9,035

Humbje jete                            502

Shpërndarja gjeografike e rasteve aktive sipas qarqeve:

Tiranë                  4566

Durrës                  847

Fier                         692

Korçë                    569

Shkodër                522

Lezhë                     405

Elbasan                  395

Vlorë                   360

Berat                   266

Kukës                    191

Gjirokastër         129

Dibër                     93