Koronavirusi në Shqipëri/ 302 raste të reja dhe 3 viktima. 258 të shtruar në spitale

Nga OraNews Përditësimi i fundit 22 Tetor 2020, 16:14

302 raste të reja dhe 3 humbje jete. Ky është bilanci i Covid-19 në vendin tonë për 24 orët e fundit.

Sipas Ministrisë së Shëndetësisë gjatë 24 orëve të fundit janë kryer 1405 testime, ndërsa 54 qytetarë janë shëruar.

VIKTIMA

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 62 vjeçar dhe një 80 vjeçar nga Tirana, një 63 vjeçare nga Mirdita, me sëmundje bashkëshoqëruese.

NDARJA GJEOGRAFIKE E RASTEVE TË REJA, SIPAS BASHKIVE:

173 të prekur në Tiranë e cila cilësohet vatra më e nxehtë e epidemisë,

30 raste në Lushnje,

12 raste në Fier,

10 raste në Gjirokastër,

9 raste në Elbasan, Kavajë, Mirditë,

8 raste në Gramsh,

5 raste në Krujë dhe Librazhd,

4 raste në Has dhe Peqin,

3 raste në Durrës, Korçë, Lezhë, Mat,

2 raste në Përmet, Delvinë, Tepelenë,

1 rast në Pukë, Pogradec, Dibër, Prenjas, Memaliaj, Kolonjë.

SITUATA NË SPITALET COVID

Aktualisht në spitalin Infektiv dhe “Shefqet Ndroqi” po trajtohen 258 pacientë, 19 në terapi intensive nga të cilët 6 pacientë janë të intubuar.

COVID-19 – Statistika (22 Tetor 2020)

Raste të reja ditore 302

Të shëruar 54

Humbje jete 3

Testime ditore 1405

Testime totale 112,969

Raste pozitive 18250

Raste të shëruara 10395

Raste Aktive 7390

Humbje jete 465

Shpërndarja gjeografike e rasteve aktive sipas qarqeve

Tiranë 3653

Durrës 724

Shkodër 494

Fier 487

Korçë 459

Lezhë 369

Elbasan 334

Vlorë 285

Berat 217

Kukës 178

Dibër 95

Gjirokastër 95

Covid mbyll Kadastrën e Korçës dhe kopshtin në Elbasan

Koronavirusi vijon të përhapet në institucionet arsimore dhe zyrat e shtetit.

Kadastra e Korçës u mbyll këtë të enjte deri në datën 25 tetor pasi 8 punonjës  në total rezultojnë të prekur me Covid 19.

Në Elbasan, ndërkohë është mbyllur Kopshti nr 8, ku 8 punonjës kanë rezultuar me virus.

Të prekur, janë konfirmuar drejtori i Kulturës në Bashkinë Elbasan dhe një mësuese në një shkollë private. Në total në shkollat e qarkut të Elbasanit janë konfirmuar 21 mësues pozitiv.

Covid-19 është rikthyer edhe në qytetin e Poliçanit. Drejtori dhe dy punonjëse të qendrën polivaliente të të moshuarve kanë rezultuar sot “pozitiv” me SarsCov-2.

4 mijë e 390 qytetarë janë gjobitur për mosrespektim të aktit normativ për mbajtjen e detyruar të maskës edhe në ambiente të hapura, ku vetëm në 24 orët e fundit janë ndëshkuar 810 persona.

Ndërkohë që 11 shtetas janë shoqëruar në komisariat pasi nuk kanë paraqitur mjetin e identifikimit.