Vranë nënë e bir, merret vendimi për Hysnije Hoxhallarin, burg përjetë për të dashurin
Nga OraNews Përditësimi i fundit 13 Tetor 2020, 11:36
Gjykata e Vlorës ka marrë vendimin për Hysnije Hoxhallarin dhe Kasem Pirjasin.
Hysnije Hoxhallari është dënuar me 35 vite burg, ndërkohë që i dashuri i saj Kasem Pirjasi ka marrë dënim me burgim të përjetshëm.
Në bashkëpunim me njëri-tjetrin, ata vranë dhe dogjën nënë e bir, njëkohësisht vjehrra dhe burri i Hysnijes.
Ngjarja e rëndë për të cilën akuzohen ka ndodhur në janar të 2018 ku u vranë e u dogjën Selkie dhe Olsi Hoxhallari.
Arsyeja e krimit makabër dyshohet se ishte pamundësia e takimit të dy autorëve me njëri-tjetrin, pas ardhjes së bashkëshortit të Hysnijes nga Greqia.
Policia provoi se 32 vjeçarja dhe bashkëshorti i kushërirës së saj ishin bashkëpunëtorë në masakrimin dhe djegien e nënë e bir Selkie e Olsi Hoxhallari në janar të këtij viti.
Kasëm Pirjasi ishte ekzekutori, ndërsa 32 vjeçarja fshehu ngjarjen dhe tentoi të manipulojë provat mes zjarrit që pasoi krimin.
