BOOM - "Kafe me gjyshin" zbulohet mashtrimi i Erion Veliaj me pensionistët
Nga OraNews Përditësimi i fundit 12 Tetor 2020, 19:25
Vetëm 20 lekë do të kushtonte kafja e mëngjesit për pensionistët në Tiranë.
Ky ishte premtimi që Kryetari i Bashkisë Erion Veliaj i bëri të moshuarve teksa konsumonte një kafe me ta.
Veliaj: Iniciativa quhet kafe me gjyshin dhe është një rrjet që kafenesh, që nga ora 7 deri në 9 të mëngjesit, kafja do të shërbehet me 20 lekë për pensionistët.
Por nga një vëzhgim që beri Emisioni investigativ BOOM në bar-kafet që kishin ende logon "kafe me gjyshin" rezulton se lokalet nuk i ofrojnë më pensionistëve këtë shërbim me çmimin modest.
Qytetari: Ky është lokali që pi kafen me gjyshin?
Kamarieri: Është hequr ajo, ka qenë 20 lekë, por ka kohë që është hequr, nja 2 vite. E mbajti një farë kohe bashkia, sa për propagandë.
Sipas Veliajt ishin 100 lokale në Tiranë që do të ofronin kafen për të moshuarit me 20 lek, por emrat e këtyre lokaleve nuk u bënë asnjëherë publik.
Kërkesa e emisionit BOOM për të marre informacion për rrjetin e këtyre lokaleve nuk mori përgjigje.
Gazetarja: Tani do të vijë dikush? Nuk japin informacion d.m.th.
Informacioni: E mora në telefon dhe ma mbyllën prapë.
"Kafe me gjyshin" është pjesë e propagandës së Veliajt i cili këtë herë ka zgjedhur për të zhgënjyer të moshuarit.
