"Grinta nuk blihet në farmaci", Reja: I pakënaqur me 1 pikë, 10 lojtarë i njihja shumë pak
Nga OraNews Përditësimi i fundit 11 Tetor 2020, 18:00
Tekniku Italian i Kombëtares, Edi Reja, në deklaratën pas sfidës kundër Kazakistanit, e mbyllur në barazim pa gola, u shpreh se skuadra e tij meritonte më shumë.
“Ne i patëm rastet tona, por nuk arritëm të shënonim. Bëmë një ndeshje të mirë. Broja dhe Kallaku bënë paraqitje të mira. Në përgjithësi kemi bërë paraqitje të mirë, por nuk konkretizuam dot. Po të kishim pak më shumë eksperiencë, mund të kishim bërë më mirë. Më vjen keq për Seferin dhe Brojën që mund të kishin shënuar. Duhet ta kuptojmë skuadrën”, ka thënë Reja.
Italiani u shpreh i pakënaqur me pikën e parë, ndërsa shtoi se lojtarët e rinj duhet të rriten,
“Unë nuk jam i kënaqur me 1 pikë. Nëse e keni parë ndeshjen, kemi bërë disa raste për shënim. Nëse nuk shtyjmë shumë nga mesfusha në sulm, do hasim vështirësi në finalizim. Patëm shumë vështirësi pasi patëm shumë mungesa të rëndësishëm. Ishin 10 lojtarë që i njihja shumë pak. Duhet pasur parasysh paraqitja. Kemi edhe ndeshje të tjera, do të përpiqemi të marrim maksimumin në ndeshjet e tjera. Grinta nuk blihet në farmaci. Nëse dikush e ka e ka dhe kaq. Krijuam shumë raste për gol. Ikim nga kjo ndeshje të penalizuar. Lojtarët e rinj duhet të rriten. Na mungoi vetëm konkretizimi. Deri diku jam i kënaqur me paraqitjen e skuadrës”, shtoi Reja.
