Plagosi dy vëllezërit, arrestohet 23-vjeçari në Elbasan
Nga OraNews Përditësimi i fundit 6 Tetor 2020, 09:45
Policia e Elbsanit ka zbardhur ngjarjen e ndodhur mbrëmjen e 4 tetorit, ku mbetën të plagosur me sende të forta dy vëllezër.
Policia arreston një nga autorët e dyshuar dhe vijon punën për kapjen e 6 bashkëpunëtorëve të tjerë.
Burime për Ora News shprehen se bëhet fjalë për shtetasin Metin Mehja.
“Specialistët për Hetimin e Krimit në Komisariatin e Policisë Elbasan, pas një pune të mirorganizuar hetimore dhe profesionale, kanë kapur dhe arrestuar shtetasin M. M., 23 vjeç, banues në Elbasan.
Arrestimi i shtetasit M. M. u bë pasi dyshohet se në bashkëpunim me shtetasit e shpallur në kërkim K. Xh., 38 vjeç, M. G., 27 vjeç, U. G., 22 vjeç, E. T., 23 vjeç, B. H., 29 vjeç dhe D. H., 25 vjeç, më datë 04.10.2020, në lagjen "Haxhias", Elbasan, në ambientet e brendshme të një lokali, kanë plagosur duke i goditur me sende të forta shtetasit E. B., 24 vjeç dhe E. B., 21 vjeç (vëllezër), të cilët janë jashtë rrezikut për jetën”, thuhet në njoftimin e Policisë Elbasan.
Lexo dhe:
Vëllezërit përleshen në lokal, i ndjekin dhe i shkatërrojnë makinën
