"Boom" vëzhgim në supermarketet e Tiranës/ Ja si injorohen masat anti-Covid
Nga OraNews Përditësimi i fundit 23 Shtator 2020, 19:47
Teksa rastet e reja të infektimeve shtohen çdo ditë dhe çdo 24 orë nuk mungojnë as viktimat, qytetarët i injorojnë masat anti-Covid.
Kjo ishte tema e mbrëmjes në emisionin "Boom" në RTV Ora.
Edhe pse që prej muajit korrik është në fuqi një urdhër i Ministrisë së Shëndetësisë që detyron përdorimin e maskës në ambjente të mbyllura, sërish ka qytetarë që nuk e respektojnë.
Kamera e "BOOM" bëri një vëzhgim në disa prej supermarketeve të kryeqytetit për të parë sa respektohet mbajtja e maskave nga vetë stafi dhe rezultati është i ngjashëm me pjesën kryesore të vendit: injorim i urdhërit.
Në korrik Ministria e Shendetësisë dhe Mirëqënies Sociale nxorri urdhërin Nr-425 , ku miratohej udhëzimi I ISHP “Mbi përdorimin e barrierave mbrojtëse, maskave në ambiente të mbyllura publike dhe tregëtare”.
Me ambient të mbyllur nënkuptohet: Një ambient qe ka tavan ose çati, dyer, dritare, ose rrugëkalime që mund të jenë të hapura ose të mbyllura dhe është i kufizuar plotësisht me mure dhe çdo lloj materiali tjetër të përhershëm ose të përkohehsëm.
Ambiente të mbyllura jo publike dhe tregetare ku është e detyrueshme mbajtja e barrierës mbrojtëse , maskës përfshijnë :
Të gjitha ambienbtet e mbyllura
-Të gjithë administratën publike dhe jopublke
-Transporti publik
-Zyra , banka, farmaci
-Të gjitha qëndrat tregëtare, dyqanet
-Të gjitha supermarketet, tregjet dhe njësitë e shërbimit
