Covid-19, mbi 30 milionë të infektuar në mbarë botën
Nga OraNews Përditësimi i fundit 17 Shtator 2020, 08:55
Numri i të prekurve nga COVID-19 në mbarë botën ka kaluar shifrën 30 milionëpersonave, transmeton faqja e specializuar Worldometers.
Sipas faqes, e cila përpilon të dhënat në lidhje me pandeminë, deri më tani në mbarë botën janë regjistruar gjithsej 30,042,478 raste me COVID-19.
Numri më i madh i të infektuarve është regjistruar në SHBA, me gjithsej 6,828,301 raste deri më tani.
Pas SHBA-së, 10 vendet e para me më shumë raste janë India, Brazili, Rusia , Peru, Kolumbia, Meksika, Afrika e Jugut, Spanja, Argjentina dhe Kili.
Sa i përket Shqipërisë, vendi ynë deri tani numëron 11,816 të infektuar dhe 343 viktima.
